LPG Gas Cylinder Price Today : घरगुती खर्च दिवसेंदिवस वाढत असताना आता सर्वसामान्य नागरिकांचे लक्ष पुन्हा एकदा एलपीजी गॅस सिलेंडरच्या दरांकडे लागले आहे. मे महिन्याच्या मध्यात तेल कंपन्यांनी जाहीर केलेल्या नव्या दरांनुसार महाराष्ट्रात घरगुती एलपीजी सिलेंडरचे दर बहुतांश ठिकाणी स्थिर असले, तरी व्यावसायिक सिलेंडरच्या किमतींमध्ये मोठी वाढ कायम असल्याचे दिसून येत आहे. त्यामुळे हॉटेल, खानावळ, चहाचे स्टॉल आणि लहान व्यावसायिकांवर आर्थिक ताण वाढण्याची शक्यता व्यक्त केली जात आहे.
सध्या आंतरराष्ट्रीय बाजारात कच्च्या तेलाच्या किंमतींमध्ये सातत्याने चढ-उतार सुरू आहेत. पश्चिम आशियातील तणाव, ऊर्जा पुरवठ्यावर निर्माण झालेला दबाव आणि डॉलरच्या तुलनेत रुपयातील बदल याचा थेट परिणाम भारतातील गॅस दरांवर होताना दिसत आहे. त्यामुळे नागरिकांमध्ये पुढील काही दिवसांत गॅस सिलेंडर आणखी महाग होणार का? अशी चर्चा सुरू झाली आहे.
देशातील मोठ्या शहरांमध्ये पाहिले तर दिल्लीमध्ये घरगुती एलपीजी सिलेंडरचा दर ₹913 पर्यंत पोहोचला आहे. मुंबईमध्ये हा दर ₹912.50 असून चेन्नईमध्ये ₹928.50 आणि कोलकत्तामध्ये ₹939 इतका आहे. हैद्राबादमध्ये नागरिकांना सर्वाधिक म्हणजे जवळपास ₹965 मोजावे लागत आहेत. याचबरोबर व्यावसायिक 19 किलो सिलेंडरच्या दरांनी तर अनेक व्यावसायिकांचे बजेटच बिघडवले आहे.
आजचे महाराष्ट्रातील LPG सिलेंडर दर जिल्हानुसार
| जिल्हा | घरगुती LPG सिलेंडर | व्यावसायिक LPG सिलेंडर |
|---|---|---|
| अहमदनगर | ₹926.50 | ₹3,113.00 |
| अकोला | ₹933.00 | ₹3,152.50 |
| अमरावती | ₹946.50 | ₹3,183.00 |
| छत्रपती संभाजीनगर | ₹921.50 | ₹3,129.50 |
| भंडारा | ₹973.00 | ₹3,259.00 |
| बीड | ₹938.50 | ₹3,159.00 |
| बुलढाणा | ₹927.50 | ₹3,132.00 |
| चंद्रपूर | ₹961.50 | ₹3,235.50 |
| धुळे | ₹933.00 | ₹3,139.00 |
| गडचिरोली | ₹982.50 | ₹3,273.50 |
| गोंदिया | ₹981.50 | ₹3,273.50 |
| मुंबई उपनगर | ₹912.50 | ₹3,024.00 |
| हिंगोली | ₹938.50 | ₹3,155.00 |
| जळगाव | ₹918.50 | ₹3,113.50 |
| जालना | ₹921.50 | ₹3,136.00 |
| कोल्हापूर | ₹915.50 | ₹3,047.00 |
| लातूर | ₹937.50 | ₹3,149.50 |
| मुंबई | ₹912.50 | ₹3,024.00 |
| नागपूर | ₹964.50 | ₹3,248.00 |
| नांदेड | ₹938.50 | ₹3,155.00 |
| नंदुरबार | ₹925.50 | ₹3,051.00 |
| नाशिक | ₹916.50 | ₹3,100.00 |
| धाराशिव | ₹937.50 | ₹3,155.50 |
| पालघर | ₹924.50 | ₹3,052.50 |
| परभणी | ₹939.00 | ₹3,160.50 |
| पुणे | ₹916.00 | ₹3,084.50 |
| रायगड | ₹923.50 | ₹3,049.50 |
| रत्नागिरी | ₹927.50 | ₹2,123.00 |
| सांगली | ₹915.50 | ₹3,047.00 |
| सातारा | ₹917.50 | ₹3,091.50 |
| सिंधुदुर्ग | ₹927.00 | ₹3,073.50 |
| सोलापूर | ₹920.50 | ₹3,124.00 |
| ठाणे | ₹912.50 | ₹3,026.00 |
| वर्धा | ₹973.00 | ₹3,263.50 |
| वाशिम | ₹933.00 | ₹3,145.00 |
| यवतमाळ | ₹954.50 | ₹3,197.00 |
दरम्यान, पीएनजी अर्थात पाईपद्वारे मिळणाऱ्या गॅसच्या दरांमध्ये तुलनेने स्थिरता दिसून येत आहे. मुंबईमध्ये प्रति SCM ₹50 दर कायम असून पुण्यात ₹50.65 तर सोलापूरमध्ये ₹48.50 दर नोंदवला गेला आहे. लातूर, धाराशिव आणि रत्नागिरीसारख्या काही शहरांमध्ये अजूनही पीएनजीचे दर ₹44 च्या आसपास असल्याने तेथील नागरिकांना थोडासा दिलासा मिळताना दिसत आहे.
तज्ज्ञांच्या मते, जागतिक ऊर्जा बाजारातील परिस्थिती अशीच राहिली तर येत्या काही महिन्यांत एलपीजी दरांमध्ये पुन्हा बदल होऊ शकतो. विशेषतः व्यावसायिक सिलेंडरच्या दरांमध्ये वाढ झाल्यास त्याचा परिणाम थेट हॉटेलमधील जेवण, चहा, नाश्ता आणि इतर खाद्यपदार्थांच्या किमतींवर होण्याची शक्यता आहे. त्यामुळे सर्वसामान्य नागरिकांसोबतच व्यापाऱ्यांचेही लक्ष आता पुढील दरवाढीकडे लागले आहे.
दरम्यान, केंद्र सरकारकडून उज्ज्वला योजनेअंतर्गत मिळणाऱ्या अनुदानाबाबतही नागरिकांना अपेक्षा आहेत. जर सरकारने आगामी काळात काही दिलासा दिला तर वाढत्या महागाईत सामान्य कुटुंबांना थोडाफार आधार मिळू शकतो. LPG Gas Cylinder Price Today