Viral Dance Video: सोशल मीडियावर रोज हजारो व्हिडीओ व्हायरल होत असतात. काही व्हिडीओ धक्कादायक असतात, काही भावूक करणारे असतात; तर काही असे असतात की, ते पाहिल्यानंतर चेहऱ्यावर आपसूक हसू येतं. सध्या असाच एक भन्नाट डान्स व्हिडीओ इंटरनेटवर धुमाकूळ घालत आहे. एका महिलेने भोजपुरी गाण्यावर केलेला जबरदस्त डान्स पाहून नेटकरी अक्षरशः फिदा झाले आहेत.
घरातील जबाबदाऱ्या, नोकरी, मुलं आणि कुटुंब यामध्ये अनेक महिलांचं आयुष्य व्यस्त असतं. स्वतःसाठी वेळ काढणंही कठीण होतं. पण, काही महिला आपल्या आवडी जपतात आणि मिळालेल्या छोट्याशा क्षणातही आनंद शोधतात. व्हायरल होत असलेल्या या व्हिडीओतील महिलेनेही अगदी असाच उत्साह दाखवत सोशल मीडियावर सगळ्यांचं लक्ष वेधून घेतलं आहे.
व्हायरल व्हिडिओ पाहण्यासाठी येथे क्लिक करा
व्हायरल व्हिडीओमध्ये एक महिला लोकप्रिय भोजपुरी गाणं ‘नाच रे पतरकी’वर भन्नाट डान्स करताना दिसते. तिच्या डान्समधील आत्मविश्वास, चेहऱ्यावरील हावभाव आणि भन्नाट स्टेप्स पाहून अनेकांना आश्चर्याचा धक्का बसला. विशेष म्हणजे, या महिलेचा डान्स कुठेही अश्लील किंवा ओव्हर वाटत नाही, उलट तिचा उत्साह आणि आनंद लोकांना खूप आवडला आहे.
आजकाल सोशल मीडियावर प्रसिद्धीसाठी काही जण वेगवेगळे प्रकार करताना दिसतात. मात्र, या व्हिडीओमध्ये महिलेने कोणताही दिखावा न करता अगदी मनमोकळेपणाने डान्स केला आहे. त्यामुळेच हा व्हिडीओ लोकांना अधिक भावत आहे. अनेकांनी हा व्हिडीओ आपल्या मित्रांसोबत शेअर केला असून त्यावर मजेशीर प्रतिक्रिया देखील दिल्या आहेत.
हा व्हिडीओ इन्स्टाग्रामवरील @sangeeta_mishra05 या अकाउंटवर शेअर करण्यात आला आहे. काही दिवसांतच या व्हिडीओला लाखो व्ह्यूज आणि हजारो लाईक्स मिळाले आहेत. सोशल मीडियावर हा व्हिडीओ वेगाने शेअर होत असून अनेक जण महिलेच्या एनर्जीचं कौतुक करताना दिसत आहेत.
व्हिडीओवर आलेल्या कमेंट्सही तितक्याच मजेशीर आहेत. एका युजरने लिहिलं, “काय भन्नाट डान्स आहे!” तर दुसऱ्याने मजेशीर अंदाजात म्हटलं, “अहो काकू, जरा हळू नाचा…” आणखी एका युजरने, “तुमच्यात एवढी एनर्जी येते कुठून?” अशी प्रतिक्रिया दिली. काहींनी तर महिलेच्या आत्मविश्वासाचं आणि आनंदी स्वभावाचं कौतुक केलं आहे.
सध्या हा व्हिडीओ सोशल मीडियावर प्रचंड चर्चेत असून, अनेकांना तो पुन्हा पुन्हा पाहावासा वाटत आहे. इंटरनेटच्या गर्दीतही काही व्हिडीओ आपल्या साधेपणामुळे लोकांच्या मनात घर करून जातात आणि हा व्हिडीओ त्यापैकीच एक ठरत आहे. Viral Dance Video